E oo atu i le 35,000 tagata na savavali i Dunedin i le Aso Toonai ma faatalosaga le faigamalo ia savali i ana polomisi na fai mai ai.
O se solo tetee tele lea ua vaaia i Dunedin i le tele o tausaga, ma o le lē fiafia lava i le fai mai o le malo o le a iai suiga i le falema’i fou i Dunedin lea na mua’i polomisi mai ai, e lē gata o le a lē maua le tele, faatuai ae o le a toe foi i le nofoaga tuai.
O ni fuafuaga ma ni suiga ua fai mai le malo ua lē mafai ona faataunuu lana polomisi e faia le falema’i fou ona e lē gafatia e le paketi $1.88 piliona.
O le popolega o le malo e ono uma ane ua faga i luga i le $3 piliona le poloketi.
Fai mai ai le Pulenuu o Dunedin ia Jules Radich, o le to’atele o tagata na tetee o tagata nei i le South ma o loo ia malamalama lelei i lagona o tagata.
Manino le fe’au mai tagata na tetee i Dunedin, faataunuu le polomisi ma ia fau le falema’i fou o lea e faalagolago iai le soifua mālōlōina o tagata o loo nonofo i le South.
E ese mai la i Dunedin, o lea foi na fai le isi savali i Westport i le West Coast i le Aso Toonai, ma o Ie tasi afe na auai o lea na o latou faatalosagaina le malo ia faaleleia auaunaga tau soifua mālōlōina i le West Coast.
Puna o Faamatalaga: ‘Biggest protest in Dunedin in decades’ as up to 35,000 rally against hospital cuts | RNZ News
