Ua vaavaai a Ausetalia o le a le ono masina le va o le tui lona lua ma le booster, ae lima

Ao faaauau ona pepesi le Omicron I Ausetalia, ua faailoa e le minisita o le soifua maloloinga, Greg Hunt, fua I luga o faamaumauga mai Isaraelu o le tui lona tolu poo le booster e tuuitiitia ai le pepesi o le siama ma ma’i tigaina faapea le oti

I le taimi nei o lea e tatau ona va I le 6 masina talu ona uma le tui lona lua faatoa mafai lea ona faia le tui lona tolu lenei, peitai e foliga mai I saunoaga a le minisita o le a tuu mai I lalo I le 5 masina

O lea foi e auai ai le finagalo o le pule sili o le soifua maloloina a Victoria pei ona ia faailoa I le vaega faufautua a Ausetalia o loo feagai ma tui, ua tatau ona suia le piriota e va ai le tui lona lua ma le booster

Tuu mai ia Niu Sila o lea o loo fautuaina pea le 6 masina e va ai, ma e ui e le I oo mai le Omicron iinei, o lea na muai sau tala I le Pfizer I le vaiaso talu ai e ono mafai e la latou booster ona tetee atu I lea vairusi fou