E ono uma ane le asō ua aloa’ia fefaataua’iga sa’oloto poo free trade i le va o Niu Sila ma le United Arab Emirates.
O le afiafi ananafi lea na tulaueleele ai i Niu Sila le minisita o le va i fafo a le United Arab Emirates, ma o lea na faafeiloa’i aloa’ia i le Palemene.
O le malaga mai ai o Dr Thani bin Ahmed Al Zeyoudi ua maua ai le avanoa e talanoa ma le minisita o le va i fafo a Niu Sila, Todd McClay i nisi o oloa o loo faatau atu e Niu Sila i atunuu i fafo.
Afai ae uma ane talanoaga i le asō ma sainia ai loa le maliega o fefaataua’iga sa’oloto i le va o atunuu e lua o lona uiga o se tasi lea o maliega tau fefaataua’iga vave a Niu Sila.
O le masina o Me o le tausaga nei na amata ai talanoaga nei, ma i le vaai mamao pe afai ae faataunuuina e faatusa lea i le $1.3 piliona i le tausaga, ma o le $1.1 piliona o oloa faatau atu i fafo a Niu Sila.
Puna o Faamatalaga: NZ-UAE free trade deal could be signed off as early as tomorrow (1news.co.nz)
