Ua saunoa le tamaitai faiaoga o le Silver Ferns, Dame Noeline Taurua o le iuga o le taamilosaga o le Nations Cup o le a amata i le faaiuga o le vaiaso e ono maua ai ma le tonu o lona lumanai o le faiaoga o le ‘au. 

E lei iloga ona lelei le taumafai a le ‘au i le tausaga talu ai lea sa tulaga fā ai i le Ipu o le Lalolagi i le netipolo ma faia’ina foi i le Constellation Cup i le la taaloga ma Ausetalia.

Ua faailoa la e le faiaoga o le a faamoemoe la lona lumanai i le taaloga i le iuga o le taamilosaga lea mo le Silver Ferns.

Na fesiligia ia latou tapenaga mo le Taimane a Ausetalia, ae na ta’ua e Taurua o Ausetalia e matuai lelei lava ma o loo tumau pea i le numera tasi ae manaomia ona amata malosi latou i le la uluai fetauiga, ma o se luitau tele lea o loo sauni atu iai le ‘au.