E ono amata totogi e tagata fai taavale penisini, ni totogi o le faaaogāina o le alatele, road user charges i le 2027 a o sauni ai le Malo e toe faatulaga faatupega poo funding mo fela’ua’iga i le laueleele.
O le faia o nisi auala fou ma le faatumauina o le lelei o auala o loo faatupe e tauala ane mai le National Land Transport Fund lea e maua mai i tupe mai lafoga totogi mo le penisini ma totogi e totogiina e avetaavale o taavale eletise ma le kiso.
O le saunoaga a le minisita o Fela’ua’iga a Niu Sila o Simeon Brown i se fonotaga i Aukilani ua ia ta’ua ai e fua agai i le Revenue Action Plan fou ua faataatia nei, e ono faasolo ai i luma le tulafono ma ono amata ai le fetuuna’iga lea i le 2027.
Fai mai le minisita o le naunauta’iga i lea fetuuna’iga ina ia faamautinoa e tau fai togimaa uma avetaavale e faaaogāina le alatele i le faatumauina o le lelei ma le saogalemu o le alatele.
Puna o Faamatalaga: https://www.rnz.co.nz/news/political/526491/petrol-cars-could-be-hit-with-road-user-charges-from-2027
