A’o loma ai le faigapalota laititi mo itumalo e 7 i le masina nei e na’o le toalua sui tamaitai ua maea ona resitala e tauva i lea faamoemoe ma na faamautu mai ina ua tapunia aloaia le faaulu atu o suafa o i latou e fia tauva.
O ia sui tauva tamaitai e to’a tasi mai le vaega faaupufai e Puipuia Aia Tatau o Tagata le HRPP le susuga ia Faagasealii Sapoa Feagiai mo Aleipata Itupa i Lalo ma le sui to’a tasi mai le vaega faaupufai o le Faatuatua i le Atua Samoa ua Tasi le FAST le susuga ia Lolomatauama Eseta Mataituli mo Aana Alofi No.2.
E to’a 22 le aofaiga o sui faatutū ua resitala ma ua faamauina suafa ma ua aofia ai le toalua o sui tauva tutoatasi ma le sui tauva to’a tasi o le vaega faaupufai a le Tautua Samoa. Ua faailoa lautele mai ai e le Komesina o faigapalota o suafa o sui faatutū mo itumalo e 7 e aofia ai;
Falealupo
Fuiono Tenina Crichton – FAST
Tuitogamanaia Peniamina Junior Leavai – HRPP
Aleipata Itupa i Lalo
Faagasealii Sapoa Feagiai (sui tamaitai) – HRPP
Faleomavaega Titimaea Tafua – FAST
Su’a Samuelu Su’a – Tautua Samoa
Falealili No.2
Fuimaono Laauli Talataina – FAST
Maiava Fuimaono Tito Asafo – FAST
Leleimalefaga Neemia Fonoti – HRPP
Safata No.2
Laumatiamanu Ringo Mathew Purcell – FAST
Nonu Te’o Nomialagi Niumata – HRPP
Aana Alofi No.2
Aiono Tile Gafa – HRPP
Apenamoemanatunatu Tuuau Letaulau – HRPP
Faletutulu Ameti Faletutulu – Sui Tutoatasi
Lolomatauama Eseta Faalata Mataituli (sui tamaitai ) – FAST
Sagaga No.4
Tagaloasā Pasi Poloa – FAST
Tuisā Tulimasealii Tasi Patea – HRPP
Sagaga No.2
Fata Meafou – FAST
Fata Ryan Schuster – FAST
Faalogo Ivins Chan K Tong – FAST
Maulolo Tavita Amosa – HRPP
Faamausili Siona Tauafao – HRPP
Vaotuuua Michael Toevai – Sui Tutoatasi
O le Aso Faraile o le vaiaso nei le avanoa mulimuli e toe faaui ai i tua se suafa o se sui tauva.
