Ua faailoa e le Export NZ o tulafono fou ia ua faia nei e aofia ai le gaosia ma le aumaia i le atunuu o vailaau ma fualaau mo togfitiga poo medicines ma isi oloa mo le togafitia o soifua o tagata, therapeutic products e tatau lava ona toe iloilo ina ia aveese ai nisi o totogi sa le tatau ona tuuina iai.
O Catherine Beard le faatonu o le Export NZ na ia faailoa i le One News o le Therapeutic Products Bill o se mea sa manaomia ona faia peitai ua fai si maomao o le tulaga ua iai le pili lea ina ua iai ma manaoga mo tagata e aveina oloa i fafo poo exporters ina ia toe faia labels ma toe lesitala oloa ua faaagaga mo le auina atu i maketi i fafo, a o oloa ua mae’a ona siaki ma ua usitaia uma faatonuga mo le auina atu i fafo.
Fai mai le faatonu o tulafono i totonu o le atunuu mo oloa ia lea e tatau ona ogatasi ma tuutuuga ma paaga faavaomalo o loo faia ai fefaatauaiga ia ma e masani ona maualuga atu le tulaga e ao ona ausia e oloa ia e pei ona aiaia e le FDA poo le Food and Drug Administration a Amerika.
Peitai la o le auala lea ua sau ai le pili lea sa faatalitalia ua iai ma ni nai vaega ia ua avea o ni faamatau mo i latou o loo aveina ia oloa i maketi i fafo ma o le a faaopoopo ai foi tupe latou te totogiina.
