A o faatali le uluai afā o lenei vaitau i le atu Pasefika, ua faamautinoa mai e le ofisa o le vaaitau e lē oo mai i Niu Sila.
E ui e lei amata aloaia le masina o Novema e amata faitau mai ai le vaitau o afā, ae o lea ua faatali e Vanuatu le Cyclone Lola e taunuu atu i le aoauli o le asō.
O le po anapo na faamaonia mai ai ua siitia lona malosi i le Category 3, peitai i le taeao nei ua oo i luga i le Category 4, ma o lea ua alu lapataiga i tagata Vanuatu e sauniuni mo timuga mamafa, savili malologi faapea lologa i nofoaga maualalalo.
E ui la e lē oo mai i Niu Sila Lola, ae ua fautua mai le ofisa o le vaaitau e tapena e ono iai savili malolosi ma timuga mamafa mai le po nanei faasolo atu a taeao.
Ae mo tagata Vanuatu, o le asia ai e Lola i le asō ua tolu iai afā i le tausaga lava lenei.
