E lē o faigofie i tagata Northland le tala ua sau o loo vaavaai le puleganuu e motusia tupe o loo faatupe ai auaunaga e aofia ai ma helikopa lea e tele ina fesoasoani i le faasaoina o soifua.
O lea ua sau i tua fuafuaga a le Northland Regional Council mo le faatalanoaina o finagalo o tagata lautele ma o loo ta’ua mai ai ma le mafaufau e faamuta le $1 miliona lea o loo alu i Emergency Services Fund.
O le alaga’oa lea o loo faatupe ai le Northern Rescue Helicopter, St John Lifesaving Northern ma le Far North Radio.
O auaunaga a helikopa o lea o loo faalagolago i fesoasoani tupe faapea ai suegatupe e tuli ai le ‘afa o le $1.2 miliona e moomia, e ese ai le $535,000 o loo sau mai tupe a le puleganuu.
E lē o faigofie i pulega o auaunaga nei ua fesiligia nei le faaauau ma le faamuta ona o tupe, ma ua augani mai ai i tagata Northland uma e faaali finagalo a o lei faamuta le avanoa i le aso 19 o Aperila.
