O le toe taliu mai ai i le atunuu i ni vaiaso e lei mamao atu o le aumasii a Samoa sa tausinio i taaloga a le Olimipeka i Farani, e ui ina lē maua se pine ae ua faaalia e le faia’oga o le ausiisii u’amea mamafa a Samoa le afioga Tuaopepe Jerry Wallwork, e lē galo le tapua’iga a le atunuu.
Faaalia e Tuaopepe Jerry o lu’itau sa feagai ai ma ia taaloga, o le a toe fonofono ai taumafaiga mo le lumana’i ina ia saili pea se ‘ai auā le tapua’iga a Samoa.
Le Faiaoga o le ausiisii u’amea mamafa a Samoa i taaloga ua mae’a a le Olimipeka, afioga Tuaopepe Jerry Wallwork.
O lea foi tamalii o le a avea ma faia’oga mo le ausiisii lava a le atunuu ua tapena mo taaloga i Fiti i le masina fou.
