Ua moomia le faia o ni taiala mautu e limataitaia ai le faaaogāina o e-scooters a o faatupulaia pea tagata manunu’a.
I le 4 tausaga talu ai na aumai ai i luma suiga o loo manao le matagaluega o femalagaa’iga e faaaogā e e-scooters auala o loo feoai ai uila ma ia faatapulaa le saoasaoa i le na o le 15km i le itula.
O se faiga ina ia oese ai ma auala savali o loo faaaogāina e tagata lautele, peitai e foliga mai e lē iloa se taimi e ono taunuu ai.
O le va o le 2021 ma le 2023 e silia ma le 7000 talosaga faaulu i le taui o faalavelave faafuasei poo le ACC fesootai ma le faaaogāina o e-scooter, ma e oo mai i le tausaga talu ai ua alu i luga i le 37%.
I le taimi nei o lea e faataga le feoai o e-scooters i le auala o loo feoai ai taavale faapea ai ma le auala savali.
Ua toe lagona ai le talosaga a le Living Streets Aotearoa poo le kulupu o loo tutu malosi mo tagata savavali i luga o auala tetele, ua tatau ona toe silasila e le gata o le auala o loo feoai ai e-scooters ae faapea foi le saoasaoa e feoai ai.
