Amata poloka a leoleo mo tagata agai I Northland

E le o iai se manao o leoleo e avea siaki o le a taofi ai taavale agai I Northland, e faatuai ai fua femalagaiga, peitai o loo sau ai ma le lapataiga

O le aso ua saoloto ai le feoai o tagata Aukilani, tau lava o le vaccine pass poo le faaiuga o siaki o le Koviti e negative na faia I totonu o le 72 itula, ma o le po anapo lea na amata mai ai poloka a leoleo mo taavale e agai atu I Northland

Mai le sui o le ofisa leoleo faaitumalo I Northland, Tony Hill, e le o taavale uma e agai atu I matu o le a taofia, ma ua mautinoa o le a le taofia loli, pasi ma isi taavale e iloa gofie o loo feoai ona o auaunaga taua

Peitai mo I latou o le a iloa o loo agai atu mo tafaoga, e iai caravans, taavale o loo faapipii atu ai trailers faapea vaa fagota o I latou nei o le a mautinoa lava le taofia ae siaki

O leoleo foi o le a amatamea I le aso ma na I aso mulimuli mai, o le a galulue ai I latou o loo umia tofi maualuluga o le ofisa ma leoleo ua maea faatauto, mulimuli ai faaauau e le lautele o le aufaigaluega

O nei fuafuaga ua faailoa mai e le o mafai ona mautinoa ai o le a le poloka motorways

O Northland pau lea o le vaega o Niu Sila o loo faatalosagaina le tatau ona faia siaki o tagata Aukilani o loo agai atu ona o le maualalo o le pasene o tagata I matu ua faia tui

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required