Search
Search
Photo Credit: SVSG

Amata fiafia le Eseta mo fanau o loo i lalo o le vaavaaiga o le Toomaga mo ē Puapuagatia (SVSG)  

E ui i le tele o tiutefai a le sui o Amerika i Samoa poo le Chargé d’Affaires, Noriko Horiuchi ma sui o lona ofisa, ae sa manatu lava e faatino se polokalame mo nai fanauiti o loo i lalo o le faamalumaluga a le Toomaga mo ē Puapuagatia.  

I pepa o faamatalaga mai i le Toomaga mo ē Puapuagatia na faailoa ai le tuufaatasia o lenei polokalame e le sui o Amerika ma le aufaigaluega ina ia faasoa atu le alofa i nai fanau. 

I lea faatasiga na faatino ai taaloga ma nisi o faafiafiaga i le maota o loo faamautu ai le tamaitai taitai Noriko Horiuchi i Samoa.  

Ta’ua e Horiuchi o le Eseta o se taimi tāua mo ia ma si ona aiga ma ua o latou manatu e faasoa lo latou fiafia ma nai fanauiti o loo i le Toomaga. 

Na faasoa foi lea tamaitai, o se vaaiga matagofie lona vaavaai atu i le sagisagi fiafia o fanauiti i le taimi na faatino ai le polokalame.  

Na aofia ai Easter Egg Hunt, o pesepesega o tusi ma valiga ata ma le tele o nisi o vaega na faatino mo le aso ua faapitoa mo nai fanau. 

Na faaalia le agaga faafetai o le Peresitene o le Toomaga mo ē Puapuagatia Siliniu Lina Chang i le sui o Amerika i Samoa, Chargé d’Affaires, Noriko Horiuchi mo lona manatu i le fanau, aemaise o le lagolagoina o le galuega faatino auā le malupuipuia o fanau mai soo se ituaiga sauaga.  

Na faasoa Siliniu, o se faatasiga ua siitia ai le loto fiafia o le tamaitiiti ma ua faaosofia ai le agaga faagaeeteia ona o le amanaia o latou.

Tala sili ona faitaulia

Tala mai samoa

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required