Ua tatala le auala savali fou I le va o malaevaalele e lua i Aukilani ma e lē gata ua faia mo le puipuiga o pasese femalagaa’i ae o se auala felanulanua’i ona teuga.
E 950 mita le umī o le auala savali lenei o loo sosoo ai le malaevaalele faavaomalo ma le malaevaalele mo vaalele feoai i totonu lava o le atunuu, ma ua vavae ese mai ai pasese mai nofoaga o loo faia ai galuega a konekarate.
I tala mai le malaevaalele i Aukilani o lenei auala ua faia ina ia faafaigofie ai ona faasolo fuafuaga o le tuufaatasia o malaevaalele e lua lea ua 35% ua mae’a, e faamoemoe e faamae’a uma i le faaiuga o le 2029.
E lē o suia ai e le auala lenei le iai pea o pasi feoa’i i le va o malaevaalele e lua, lea e ta’i 15 minute le va mai le 5 i le taeao agai atu i le 11 i le po o aso taitasi.
E lei faailoaina mai pe fia atoa le tau o lenei auala.
Puna o Faamatalaga: http://Auckland Airport opens new ‘scenic’ inter-terminal walkway | RNZ News
