Ua pu’e e leoleo le alii lea ua feta’ua’ina sa o latou tuliina i le po anapo ae alu le taavale i le itu sese o le alatele i le faaitu o Hoppers Crossing i Melepone.
Fai mai le 9News na vaaia e leoleo se taavale ituaiga o le Nissan e ese lona laisene o alu ane i Derrimut Rd pe ā ma le 130 km le saosaoa ae o le magaala na alu ai e 60km i le itula le saosaoa faatulagaina, ma vaaia o kolosi i le itu sese o le alatele.
Na taumafai leoleo e taofi peitai na sola ese.
Sa faatulaga e leoleo masini e fesoasoani i le taofia o le taavale ma o le taumafai o lea alii e ‘aloese mai ai na lē mafai ai ona taofiofia le taavale ma lavea ai loa i luma o se tasi o fale’aiga.
Na taumafai e sola ese peitai na maua lava e leoleo ma ave ai i le falema’i ma ua fuafua o le asō e faatalanoa ai e leoleo i le mafuaaga o ana gaioiga na faia i le vaveao analeila poo le te’a o le 12 i le vaveao.
Puna o Faamatalaga: https://www.9news.com.au/national/hoppers-crossing-man-arrested-after-allegedly-driving-130kmh-on-wrong-side-of-road-in-60km-zone-in-melbourne/8f52b878-6759-4185-b720-7006fe17db4f
