O le asō ua aloa’ia ai le tulafono ua faasā ai ona toe vaaia togiga a kegi i nofoaga faitele.
O le totogi o le faasalaga tupe e $5,000 poo le faafalepuipui mo le oo atu i le 6 masina le taui pe a lē usita’ia.
A o le’i oo mai i le asō o lea lava na faia le silia ma le 400 feiloa’iga a leoleo faapea sui o kegi mo le mautinoa o loo nofo malamalama i suiga o loo sau ma le tulafono ma ua fai mai ai le Komesina lagolago ia Paul Basham, e mafanafana e mafai lava e leoleo Niu Sila ona faataunuu o latou tiute.
E ese mai le faasā o togiga e iloa ai o se sui o se kegi i nofoaga faitele, o lea foi ua iai ma le malosiaga i leoleo e mafai ai ona o latou faata’ape’apeina se faatasiga o loo iai le to’atolu pe sili atu foi ma o sui o kegi.
Ae mai ia Chris Macklin o le New Zealand Law Society i tala a le leitio faavaomalo a Niu Sila, o le suiga ua aloa’ia i le asō e tatau ai lava foi i leoleo ona faia ma le faaeteete.
Puna o Faamatalaga: Gang patch ban: ‘Some of them will probably die for it’ | RNZ News
