Sonny Bill Williams

Afea e Sonny Bill le Palemene a Ausetalia mo tagata sulufai.

O alii iloga ile taaloga o le lakapi male soka, Craig Foster ma se tasi alo o Samoa Sonny Bill Williams na auau faatasi e unaia le palemia o Ausetalia ina ia faamatuu ane nisi o tagata sulufai i Niu Sila.

Lipotia e le televise tasi  na agai ane Williams ma Foster faatasi ai ma  nisi o faipule mai le Leipa ma isi faipule ile maota ole palemene I Canberra ma talosagaina le palemia ina ia talia le ofo a Niu Sila e faamatuu atu nisi o tagata sulufai e aumau i Niu Sila.

Ole  manatu o Williams e pei ona faalauiloa ile au tusitala, ole taimi o le faamai lenei o le koviti 19 ua tau iloa atu ai e le toatele ole atunuu sina tamai malama ile tulaga ole soifua faanofoesea e pei ona quarantine ai nisi mo le 14 aso.

E manatu le alii taalo afai la nao le 14 aso lea e faanofoesea ai tagata  ona o puipuiga o le koviti, pe mafai la ona onosaia e tagata le oo atu I le 7 tausaga e nofo ai faapea e pei ona faia I nai tagata sulufai lea o loo faanofoesea ao faatalanoa lo latou lumanai.

Fai mai Sonny o loo manao Niu Sila e aveina ia tagata ma nao le pau le mea o loo taofia ai le faatino o lea tulaga ona o le le maua o se ioega.

Na ofo ane Niu Sila nate aveina le 150 o tagata sulufai ile tausaga talu mai le 2013 ma o loo talia pea le taliaina e le malo soofaatasi a ausetalia. O Foster sa taalo I leSoceroo e manatu ua tea le taimi e toe taofia ai tagata sulufai I Papua Niu Kini maNauru E silia male 60afe tagata ua sainia se petition a le Amnesty International e talosaga ai ia Morrison ina ia faamautu lea maliega.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required