E lē la’itiiti fuafuaga a le malo o loo vaavaai ai nei ia faia suiga i su’ega matematika faapea le faitau tusi mo a’oga tulagalua, ma e ono avea ma faiga e uma ane ua pei ua faatautavā.
O lea ua iai le fuafuaga mo se su’ega e faia faalua i le tausaga mo fanau i Vasega 3 i le 10.
O se tala ua faate’ia ai le faalapotopotoga o pulea’oga, ma o loo sau ai foi e mafai ona filifili a’oga i system e faaaogā, pe faaaogā le Electronic Assessment Tool for Teaching and Learning poo le Progressive Assessment Tests.
O le popolega i le faia o le su’ega lenei e tasi ma system e faaaogā ai o le taugatā, toe o faamaumauga nei e moomia o fanau o loo teu malu i faamaumauga a a’oga ae lē o le malo.
O le popolega o le pulea e le malo o faamaumauga o le iloa uma ai e tagata lautele, ma ono oo atu ai i itu o le a faatusatusa ai le isi a’oga aga’i i le isi ma e lē fetaui lea i finagalo o nisi.
Ae i le isi itu, o le faia o se su’ega matematika faapea le faitau tusi e tasi e laugatasia uma ai vasega ua ta’ua, o se auala foi lea o le a iloa gofie ai poo lelei suiga o faiga faavae o loo taumafai iai le malo mo le una’ia o le matematika faapea le faitau tusi ma ona a’oa’oga i Niu Sila.
Puna o Faamatalaga: New reading, maths test could see schools unfairly ranked – expert | RNZ News
