Maua e suesuega fou le aafia o mafaufau o tagata na aafia i le vairusi o le Koviti.
O suesuega nei ua lipotia i Egelani e le Journal of Medicine mai le lata i le 113,000 tagata na faia iai nei suesuega, ma o i latou foi nei na maua i le Koviti lea ua tele ina magalogalo mea.
O tagata foi na faia iai suesuega na iloa ai le tele o le aafiaga o i latou e faaumiumi ona maua i le vairusi poo le long COVID atoa ai ma i latou na tigaina.
O ni suesuega ua tali mai ai le alii suesue faapitoa mai Niu Sila nei, polofesa Michael Baker ma molimau o le toatele lava o tagata na maua i le vairusi e tele ina talanoa atu i le aafiaga o mafaufau e pei o le lē manatua lelei o le tele o mea e pei ona sa masani ai.
O ni suesuega o loo faasolo pea, ma e lē o iai ni faamaoniga e saga faamausali ai i le taimi nei i totonu o Niu Sila.
