Search
Samoa-court Building

6 tausaga i le falepuipui, ioe i soligatulafono matagā na aafia ai se teineititi 7 tausaga

Ua amata tuli le faasalaga faafalepuipui o se tama tane 61 tausaga le matua, na ioe i moliaga e valu o lona faia o ni gaioiga matagā i se teineititi 7 tausaga le matua.

O le va o le masina o Tesema o le tausaga e 2021 ma le masina o Ianuari o le tausaga nei 2023 na faaalia e leoleo ia latou suesuega, na tupu ai le solitulafono a o faigaluega lē ua falepuipui i le aiga o lē na aafia.

O lē foi na aafia sa vaaia ma tausia e se tuaa e faasino i se tasi o ona mātua poo lona grandmother.

Ina ua toe ave le teineititi i ona mātua i Ausetalia na ia ta’uina ai le gaioiga a lē ua faasalaina i se tasi o ona tausoga.

Na logo leoleo ma faia ai suesuega ma molia ai loa lē na tuua’ia i moliaga e valu, lea e 6 tausaga e falepuipui ai i moliaga e lima, ae o isi moliaga e tolu e 6 foi tausaga.

Peitai e tuli faatasi ia faasalaga i totonu o le 6 tausaga.

Ua tapu e le faamasinoga ona faailoa suafa ma soo se faamatalaga e iloa ai lē na aafia faapea lē na molia.

Ua mafua lea tapu ona o le liolio ma puipui i le teineititi na aafia i le soligatulafono.

O le fono a le komiti a Malo Aufaatasi mo le feagaiga o aiātatau o fanauiti lea sa fono mai i Samoa i le masina na tea nei, na faailoa ai e se sui o lea komiti o le faamasino sinia o le faamasinoga sili a Samoa, le afioga Vui Clarence Nelson, le faanoanoa pea i le faatupulaia o solitulafono e aafia ai le saogalemu ma o le ola tuputupu a’e o fanau teine a le atunuu.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required