$37 miliona tupe faaalu na faatau mai ai PPE poo personal protective equipments le lelei.
O lenei vaega tupe na sau mai le paketi a le matagaluega o le soifua maloloina, ma ua sau I le ripoti a le matagaluega e $108 miliona le tupe atoa na faatau mai ai PPE mo tagata faigaluega e puipuia mai ai I le Koviti.
O meafaigaluega na faatau e aofia ai tali fofoga poo face masks, face shields, totigi lima faapea ofu.
Saunoa le sooupu o le matagaluega, o oka uma na ui I siaki masani o le iloiloina o le lelei atoatoa ma le saogalemu mo le faaaogaina e tagata faigaluega, ma o le vave o le sau o le Koviti I le masina o Mati ma Aperila I le tausaga talu ai e le I mafai e paaga masani o loo sau ai oka a le soifua maloloina ona sapalaiina mai ma o lea na faaaoga ai isi kamupani.
E le o mafai ona faailoa e le matagaluega suafa o kamupani fou na tapa iai mo oka faavavave.
Saunoa ai ma le sui o le iuni Sarah Dalton I tala a le leitio a Niu Sila, o le utiuti o meafaigaluega ua atagia mai I lea ripoti le le tele o se fesoasoani o loo tuuina atu I le auaunaga tau soifua maloloina.
