Ua faamaonia mai e le minisita o le Soifua Maloloina, Dr Shane Reti e 30 miliona o le a faaalu i le faaleleia o auaunaga tau le fā’ata, radiology ma aveesea ai nisi o totogi.
O loo faailoa e le One News o lona uiga o le a lē toe manaomia ona totogi e tagata Niu Sila nisi totogi faaopoopo e faaaogā ai lea auaunaga, o fā’ata, CT scans ma ultrasound ma o le a mafai foi ona faatonu sa’o e le GP se gasegase mo ia auaunaga nai lo le faatali seia vaaia se fomai faapitoa i le falemai.
Fai mai o le vaegatupe e faatupe ai o le a sau sa’o mai se faaputugatupe mo le Health NZ Te Whatu Ora ma le faamoemoe ia vave ai ona maua mai i’uga o fā’ata ma tulaga faapea e manaomia o gasegase.
Na faailoa foi e le minisita o le faiga fou lea e tatau ai loa ona vave ona maua avanoa o gasegase mo le togafitiga manaomia, faaleleia ai foi le tausiga mo le gasegase ma o se fuafuaga ua leva foi ona faatagisia e fomai mo le lautele poo GPs.
Puna o Faamatalaga: https://www.1news.co.nz/2024/06/06/health-minister-shane-reti-announces-30m-radiology-boost
