I le tausaga e 2023 na amata ai se polokalame faata’ita’i a le matāgaluega o faato’aga ma faigafaiva, faapea le nofoaga tutotonu o su’esu’ega faasaienisi, e faaaogā mailei ua fausia faapitoa e se kamupani i fafo e pu’e ai meaituaolo taavao o loo faasāolo i le osofa’i o faato’aga talo ma isi meatotō a le aufaifaato’aga i le atunuu, o le Aso Lua o le vaiaso nei na faamautū ai le isi uta o mailei puaa ua taunuu, ma ua amata ona tufatufa i Fono Faavae a itumalo faapalota e 22 i le motu o Upolu.
O se su’esu’ega na faia e le matāgaluega o faato’aga ma faigafaiva na iloa ai e silia i le 60 pasene aiga faifaato’aga o loo mafatia i le afaina o a latou atina’e i puaa aivao ma puaa taaloa.
O le tufatufaina o mailei mo Fono Faavae a itumalo faapalota e 22 sa saunoa ai le afioga i le Minisita o Faato’aga ma Faigafaiva.
Le afioga i le Minisita o Faato’aga ma Faigafaiva faapea le nofoaga o su’esu’ega faasaienisi a Samoa, afioga Niuava Eti Malolo.
O itumalo palota e 22 ua aofia i le tufatufaga o mailei e pu’e ai meaituaolo taaloa, o Faleata 2,3, Sagaga 1,2,3,4, Aana Alofi 1,2,3,4, Vaimauga 1,3, Aiga i le Tai, Safata 1,2, Falealili 1, Lotofaga, Lepa, Aleipata Itupa i Luga, Aleipata Itupa i Lalo, Vaa o Fonoti, ma Anoamaa 1.
