E silia ma le 200 moliaga ua faia faasaga i tagata e to’a 20, o se vaega o le suesuega fai faatasi a Niu Sila ma Ausetalia e taula’i i kegi a le autietie pasika.
Fai mai sa faatino suesuega i le va o le aso 5-9 o Aokuso ma maua ai e leoleo a Niu Sila ma Ausetalia se potu e gaosi ai le fualaau faasāina o le aisa i West Harbour ma maua ai ma le toeitiiti 300 kilo o fualaau faasāina, e silia ma le $520 afe o tupe atoa ma fana e tolu na maua mai Waitemata, Aukilani ma Ueligitone.
Na faagasolo foi isi suesuega e lua a leoleo Niu Sila ma le Customs ma maua ai foi tupe, fualaau faasāina ma isi aseta.
O isi vaega na faia iai nei suesuega e aofia ai faletalimalo, air bnb units i Aukilani na maua foi iai le isi 5 kilo o le aisa.
Puna o Faamatalaga: https://www.rnz.co.nz/news/national/525663/police-lay-200-charges-after-finding-300kg-of-drugs-520k-cash-and-firearms
