Ua laasia nei e le tamaitai tauva o le tatou atunuu mo le tauvaga o le saillia o se tausala o le kelope le Miss Global, le isi vaega tāua o lea tausinioga o loo auai tamaitai mai atunuu eseese o le lalolagi, o le 15 pito i luga poo le top fifteen.
Na filifilia Haylani Pearl Kuruppu ma isi tamaitai e toa sefulufā ina ua mae’a le semi finals na tauva ai tamaitai i laei o le afiafi le evening gown ma le ofu taele i le matafaga le swim suits category.
O le isi laasaga o loo faatalia nei o le toalima pito i luga le top five mo le sailia o le tamaitai o le a sola ma le pale o le Tausala o le Kelope.
O le a maua le faaiuga o tamaitai e toalima pito i luga e tauva i le siamupini i le aofaiga o palota latou te maua e ala i fesootaiga faaonaponei e pei o le Instagram ma le api o foliga le facebook.
Tatou tapuaia le vaega lea o le tauvaga pe o le a filifilia ai le tausala o le Miss Global Samoa, sa avea ma tausala o le atunuu mo le tausaga 2022 i le 2023 Haylani Pearl Kuruppu.
