A o iai pea aso o loo totoe se’ia aulia le Aso Faraile nei, 25 o Aperila e tapunia ai le avanoa e tuuina atu ai pepa talosaga mo ni fesoasoani i ni meatotino sa faaleagaina ona o le motusia faafuase’i o le eletise, e sefulu talosaga ua tauaao nei e le komiti faufautua o galuega lavea’i i taimi o faalavelave faafuase’i matuiā.
O lea aofa’iga ua aofia ai le lima o talosaga mai aiga ta’ito’atasi ma le isi lima o talosaga mai pisinisi.
Ua faailoa e le ta’ita’ifono o lea komiti faufautua e lē o iloa poo ā tonu meatotino ua faaleagaina mai ia pisinisi ma aiga ona e le’i tatalaina talosaga ua tuuina atu.
Le afioga Lealaisalanoa Frances Brown Reupena o le ta’ita’ifono o le komiti faufautua o galuega lavea’i i taimi o faalavelave matuiā.
