Ua valaaulia e le faauluuluga o le lakapi liki a Ausetalia, Peter V’landys le Peresetene o Amerika, Donald Trump e auai i le faamoemoe tele o le NRL i Las Vegas i le vaiaso fou.
O le faaoo atu o le lakapi liki i Amerika e pei ona faia i le tausaga na te’a nei, lea la o le a faalauiloa foi mo le lua ai lea o taimi ma e taaalo ai ‘au e pei o le Raiders, Warriors, Panthers ma le Sharks i le tatalaina o le taamilosaga.
O le valaaulia la a V’landys sa faia i luga o le polokalame, Fox and Friends ma e ui e to’atele e manatu e lē ono auai ai le Peresetene peitai e manatu nisi atonu e ono iai lava se avanoa.
O le vaiaso talu ai sa auai i le NFL Super Bowl.
O le valaaulia a V’landys i le tausaga na te’a nei a o avea Joe Biden ma Peresetene, e le’i aga’i ane iai a o talitali la pe ono aga’i ane Trump i le faamoemoe o le NRL i le tausaga nei i Amerika.
Puna o Faamatalaga: https://7news.com.au/sport/rugby-league/peter-vlandys-invites-donald-trump-to-nrl-las-vegas-opener-c-17760121
