E iai pisinisi o loo faatauina i le tau e oo atu i le $40,000 visa malaga e omai ai i Niu Sila.
Na lipotia e le leitio a Niu Sila o atunuu e iai Initia, Vietnam ma isi lea ua maua mai ai lipoti o loo faatau e pisinisi nei ua aloaia i lalo o le Immigration a Niu Sila e mafai ona o latou sailia mai tagata faigaluega mai fafo.
Ua sau ai foi ma le tala o lea e iai se vaega o lea peimeni o loo toe alu i kamupani nei e saili mai iai pepa faigaluega.
E le fou lipoti nei i atunuu e pei o Initia e pei ona toe maua ai foi nisi o tagatanuu Initia i tausaga e lei mamao atu ma toe faafoi ai.
O ni lipoti ua toe upuia ai nei se tasi o visa ua ta’ua o le Accredited Employer Work Visa lea e faaaoga ai le maualuga o le totogi na i lo le avanoa faigaluega e saili ai le visa faigaluega ona ua fai mai ai nisi o se faiga ua maua ai le avanoa e pelogia ai le system.
Mai le Council of Trade Unions o lea lava na fautuaina le malo e aua le faaaogaina le faiga lea ae sui agai i open work visas.
O lea ua iloa e le Immigration a Niu Sila fale faigaluega o loo tuuaia i faiga nei e totogi tupe ai, peitai e le o mafai ona talanoa mai ai.
