O le faaiuga o le vaiaso ua tuanai na tolauapi faatasi ai faiaoga, o le pulega ma tama o le tatou Manu Samoa, e sauniuni ai i taaloga o loo loma a o lei faia le Ipu o le lalolagi i Farani.
O le amataga o le vaiaso sa fai lotu afiafi ai le aulakapi a le atunuu ma le Tamaitai Palemia faapea le Minisita o Aoga Taaloga ma Aganuu, ma momoli ai upu faalaeiau ma faamalosi’au a le taitai o le Malo i le tatou Manu Samoa.
Le Tamaitai Palemia le afioga Fiame Naomi Mataafa i le feiloaiga ma le tatou Manu Samoa i le afiafi o le Aso Gafua i le faletalimalo o le Tanoa Tusitala.
O le ogatotonu o lenei vaiaso o le a feiloai atu ai le ‘au atoa i le afioga i le Ao Mamalu o le Malo ma lana Masiofo, a o lei malaga atu mo le tatou motu o Savaii i le Aso Faraile o le vaiaso nei.
O loo feagai foi i latou ma toleniga ma nisi o tapenaga a o lei tuua le atunuu mo lana taaloga i totonu o Iapani.
