E toe foi mai le faletifaga a le Reading Cinemas a Ueligitone.
O le tausaga e 2019 na amata tapuni mai ai le faletifaga ona o lipoti ua lē saogalemu i taimi e lūlū ai se mafui’e, seia oo mai ai i le vaiaso nei sainia le maliega e faatau ai e le Prime Property.
O se avanoa ua fai mai ai le pulega fou o le a toe fai le fale tifaga ma toe tatala.
O se tala fiafia i pisinisi i Ueligitone le tala ua aumai ona o le telē o le aafiaga o a latou pisinisi ina ua tapunia le fale tifaga i le 6 tausaga talu ai, e pei ona toe molimau ai i tala a le 1News.
O loo iai fuafuaga e tusa ma le 18 masina le umi e toe faaleleia ai le fale tifaga faamoemoe e toe tatala i le faai’uga o le tausaga fou.
E ui foi la ua iai suiga, ua faamaonia mai e lē suia ai le pulea pea e le Reading International o le fale tifaga.
Puna o Faamatalaga: Reading Cinemas to return to central Wellington as deal struck
