O iunivesite i totonu o Peletania tele o le a a’ooga ai nisi o tamafanau a Samoa ua faamanuiaina i ni avanoa sikolasipi i le polokalame a lea malo.

E to’afā i latou ua filifilia e aofia ai tamaitai e to’atolu ma se alii e to’atasi. O i latou nei:

1) Saouila Melissa Tolovaa – Master of Science in Cancer and Molecular Pathology and Genomics at Queen Mary University of London

2) Olioliilealiieleaunoa Faletoese – Master of Science in Global Development at University of Manchester

3) Benaiah Gregory Une – Master of Science in Environmental Futures with Climate Change at University of Essex

4) Afulilo Maataua Tapualii Leao Tuitama – Master of Science in Public Policy at University of Strathclyde

Faaalia e le Komesina Maualuga o Peletania i Samoa i le sauniga na faamavae atu ai ia i latou nei e to’afā, e 150 iunivesite sa filifili ai i latou ua faamanuiaina e su’e ai o latou faailoga, ma o le tausaga nei ua atoa ai le 40 tausaga o le polokalame sikolasipi o le Chevening Scholars ua faamanuiaina ai ia tamafanau a le atunuu.

O le masina nei e tuua ai e i latou Samoa mo Peletania.