Ua faatulaga o le masina faai’u o lenei tausaga le masina o Tesema o le a valaau ai molimau a leoleo e lagolago ai moiaga e lua o le tamaitai mai le atunuu o Filipaina, lea na maua o ia faaulufale i le atunuu ni ututau ma le nakoti o le aisa le methamphetamine.
O le Aso Gafua na toe oo atu ai le tamaitai Filipino i le faamasinoga ma tuuina atu ai e lana loia le tali tetee i le moliaga o le umia o le aisa ma le umi o ututau faapea lona faaulu i le atunuu o nakoti ma ni mea faapāpā malolosi.
Sa malaga mai Amerika Samoa lē ua tuua’ia ma le faamoemoe e pu’e i Samoa le isi vaalele e malaga ai i Fiti, ae maua ai i le malaevaalele i Faleolo o ia aumaia le aisa ma ututau o se laau malosi.
