E faitau afe lita o susu mai manu papalagi ua faaleagaina ona o aafiaga o le afa o Alfred, ma ua vaaia ai le lafoai ai ma sasaina o kalone susu i nofoaga i le itu i matu o Niu Sa Uelese ma le itu i saute o Kuiniselani.

O kamupani e feagai ma ia auaunaga ua o latou faailoa o le faigata o le oo atu o loli e masani ona piki ai le susu i nisi o faatoaga i le mid north coast ua afua ai ona faatuai le kilivaina o le susu i nofoaga e masani ona ave iai ma e tatau ona piki i totonu o le 48 itula a leai e le mafai foi ona toe faaaoga.

O le tulai mai o lea faaletonu e aafia ai foi ma fale gaosi oloa e faalagolago a latou oloa gaosi i le susu.

I nisi o nofoaga i le Tweed Valley ua ta’ua na motusia mai ai le eletise mo aso e fa peitai o le iai o le afi faaleoleo sa fesoasoani i le faaauauina pea o le auaunaga e ui i luitau ua feagai ai ona o le afā o Alfred.  

Puna o Faamatalaga: https://www.abc.net.au/news/2025-03-13/farmers-dump-thousands-litres-milk-after-floods/105045440