Ua teena le tatala i tua o le talavou lea na tuua’ia i le fuafuaina o ni osofa’iga i totonu o Melepone.
O le alii e 19 tausaga na tula’i i le faamasinoga i Moorabbin i Melepone i le aoauli ananafi ma ua faatonuina e le faamasinoga e lē mafai ona faailoa le igoa.
Fai mai le 9News sa ia fuafuaina ni osofa’iga e aofia ai le pomu o se iunivesite, tafanaina o nisi i se a’oga, osofa’ia o se train ma le faa’oonaina o le suāvai taumafa i Melepone.
Na fofogaina i le faamasinoga ua leva ona tulimata’ia e leoleo le talavou lea ma o latou faatino foi iai su’esu’ega i lona fale ma feta’ua’ina le maua iai o ni vaega e faia ai se fana, o ni pulu ma fuafuaga mo le faia o ni mea faapāpā.
Ua toe faaauau pea ona taofia e leoleo seia aulia le masina o Novema.
Puna o Faamatalaga: https://www.9news.com.au/national/melbourne-teenager-accused-of-plotting-university-bombing-and-school-shooting-denied-bail/6ba704b9-1caf-4294-82ab-d87284753d7b
