Ua taunuu i Samoa au malaga o leoleo mai nisi o malo o le Pasefika e pei o Vanuatu, Tonga, ma Fiti ile faamoemoe e galulue faatasi ma leoleo o le tatou atunuu, auā galuega o le puipuiga o le saogalemu ole fono a malo o le taupulega.
O le faaiuga o le vaiaso na tea nei ma le amataga o lenei vaiaso na taunuu ai i le atunuu ia aumalaga o leoleo, ma o le 42 o ia leoleo o loo aofia ai ma le to’afā mai le atunuu o le Northen Marianas.
E le gata o leoleo mai ia atunuu ae ua malaga mai foi nisi o leoleo mai le malo o le Atu Kuki faatasi ai ma nisi e galulue i le puipuiga o malae vaalele o le malo o Niu Sila. O le autu lava o le fia aumai o le lagolago e tausoa faatasi le galuega ma le vasega o malu o le malo ilo tatou atunuu.
