E tatau i sui faipule o le faafaletui o le vaega faaupufai o loo tu i le faigamalo ona faimea faalogo i le Palemia o lo latou ta’ita’i.
O le faai’uga foi e faia i se Minisita o le Kapeneta o le matafaioi tutasi lea a le Palemia.
O se finagalo lea o le ta’ita’i o le Itu Agai ma le pati faaupufai e puipuia aiātatau a tagata le Susuga Tuilaepa L Sailele Malielegaoi, sa tula’i i le tofi Palemia mo le silia i le 20 tausaga, ina ua fesiligia e nisi o tusitala ona o le molia ai e leoleo o le Minisita o Faatoaga ma Faigafaiva.
I le finagalo o Tuilaepa i le feiloa’iga masani ma tusitala i le Aso Tofi o lenei vaiaso sa ia faaalia ai, e na te lē faatonuina le Palemia auā o loo manino o le Afioga Fiame Dr Naomi Mataafa o ia e faia le faai’uga o minisita e pei foi ona ia faia to’atasi le faai’uga i le Susuga Laauli ma le Afioga Fiame a o avea ma minisita o lana Kapeneta.
Le ta’ita’i o le Itu Agai, Susuga Tuilaepa L Sailele Malielegaoi.
E oo mai ananafi o loo tālia pea se finagalo o le Palemia i sana faai’uga i le faamavae poo le faamālōlō lē tumau o le tofi Minisita o le Susuga Laauli Leuatea Polataivao Fosi Schmidt.
