Ua toe faataga mai e Ausetalia tagata Niu Sila taunuu atu e o sa’o I aiga e aunoa ma le tau faanofoesea

O le aso ananafi lea na toe sau ai lea saolotoga ma o loo faapipii mai ai ma tuutuuga

O lea ua tapa le faamaoniga o le siaki e negative o le Koviti faia I totonu o le 72 itula, atoa ai ma screening e faia e le I tuuvaa ese atu atoa ai ma le toa taunuu I Ausetalia

O le afiafi ananafi le uluai faigamalaga mai Aukilani na momoli ai le uluai pasese o I latou e le o faanofoesea

O le toe tatala mai ma tuutuuga ananafi ua faailoa e le pule sili o le soifua maloloina I Ausetalia e tusa ma tala a le 1News, o lea lava na tulimataia mai e Ausetalia le tulaga e oo iai komiuniti cases a Niu Sila e pei ona maua ai I Saute o Aukilani I le vaiaso talu ai, ma o le toe faasaoloto ai e aunoa ma le faanofoesea ua faia I le talitonuga ua maualalo le ono lamatia o Ausetalia mai pasese taunuu atu

O le saolotoga mo pasese taunuu I Ausetalia, e le o mafai ona ofoina atu I pasese mai Ausetalia taunuu I laufanua o Niu Sila E toe iloilo lenei saolotoga I le faaiuga o le masina