O le faai’uga o le tausaga lea ua faamoemoe o le a amata faata’ita’i ai le faiga o le a suia ai pepa faatumu nei e faatumu e pasese Kiwi e taunuu i Ausetalia.
O se tasi lea o suiga ua sau i le mae’a feiloa’i o le Palemia o Ausetalia, Antony Albanese faapea Christopher Luxon mai Niu Sila i le vaiaso talu ai.
O lea faiga o le a agai ai e faatumu online le ta’utinoga o se faiga ia faafaigofie ai feoa’iga i le va o atunuu e lua, ma o pasese agavaa a le Qantas malaga mai Niu Sila taunuu i Ausetalia lea o le a amata faata’ita’ia.
O se ta’utinoga o le a amata tauala mai le app a le kamupani vaalele a le Qantas, ma a mae’a ona faatumu o le a iai le digital pass lea e sau ai ma le QR code ma o faamaoniga nei e tatau ona faailoa i le aufaigaluega i le malaevaalele pe a taunuu.
A o tapena ai le faataunuuina o lenei suiga, e 72 itula lea o loo tatala mai ai le faatumuina o pepa nei ae e lei taunuu i laufanua o Ausetalia.
Puna o Faamatalaga: Qantas passengers from New Zealand set to be first travellers to fill out digital Australia Travel Declaration instead of physical incoming passenger card | Sky News Australia
