Na maliu se avetaavale i se faalavelave na tupu i le freeway i Melepone ma fautuaina ai avetaavale i le faatuai o faigamalaga.
Fai mai leoleo o se loli lanu pa’epa’e na ui ane i le alu aga’i i Altona ae lelea ane ai se vaega o le ramp i le auala lea aga’i i le auala e alu i Greensborough ma lavea atu ai ma le taavale a se tagata na alu ane i le exit i St Albans.
Ua ta’ua i lipoti a le 9News na maliu ai lava sia avetaavale i lea taimi.
O loo su’e e leoleo le aveloli e le’i tu i le taimi na tupu ai le faalavelave ma mulimuli vaaia o aga’i i Altona.
E lē o iloa pe na silafia e le aveloli le mea na tupu ae ua tapunia ai auala a o faia su’esu’ega.
O loo fia maua e leoleo nisi e silafia ni faamatalaga i lenei faalavelave ia fesoota’i vave atu pe valaau le crimestoppers.
Puna o Faamatalaga: https://www.9news.com.au/national/western-ring-road-driver-dies-in-freak-collision-on-major-melbourne-freeway/2df05b6e-4f44-4dc6-94d6-e14a8199d702
