Mata’ina taumafaiga a nai alo ma fanau na fai ma avefu’a o le atunuu i taaloga o le tenisi, sa faatautaia i Tahiti ma le Atu Kuki.
O lenei taamilosaga taaloga tenisi ua faaigoaina o le 2024 East Pacific Qualifiers i le vaega o Juniors.
Ma na faatautaia i le va o Tonga, Samoa, Amerika Samoa, Tahiti, ma le Atu Kuki.
Na sao atu le ‘au a tamaitai e i lalo 12 tausaga le matutua a Samoa mo le sueina o le tulaga muamua ma le tulaga lua ma le ‘au a Tahiti.
Ma e ui i le malosi o taumafaiga a alo ma fanau ae na malolo tamaitai i le ‘au a Tahiti.
O taumafaiga a alo ma fanau o le atunuu i lea taamilosaga ua mafai ai ona saofagā i le taaloga o le Pacific Oceania Junior Championships (POJC) o le a faatautaia i Fiti.
