E silia ma le 3000 tagata faigaluega i Ausetalia ua amata atu i le asō le siitaga i o latou totogi ona o se siitaga sa folafola e le Malo i le taimi ua sola e amata faamamalu i le asō.
Ua faailoa mai o nei suiga na pasia i le tausaga talu ai suiga ua tapunia ai se vaega faaletulafono mo tagata faigaluega e faigaluega i galuega Leipa ae totogi e tagata e ana kamupani i ni totogi maualalo atu.
O tulafono fou la ia sa fuafua e faamuta ai kamupani e faafaigaluegaina tagata i galuega leipa mai le faia pea o lea tulaga ma o le a aofia ai auaunaga e pei o le mining, auaunaga tau vaalele, warehousing ma galuega fasimanu, e mātele ina faalagolago i kamupani e faafaigaluegaina tagata faigaluega leipa.
O nisi la o le a penefiti mai nei suiga o le aufaigaluega e silia ma le 800 o le aufaigaluega a le Qantas lea o le a amata i le asō le siitaga e 28 pasene i o latou totogi ma o se faatatau ua talia lelei e le Iuni o tagata faigaluega le CTU.
Puna o Faamatalaga: https://www.9news.com.au/national/same-job-same-pay-legislation-in-effect-november-1-thousands-labour-hire-workers-get-pay-rise/9f3223bd-8598-4cf7-9f69-c4fe92132a65
