O taeao e faitau miliona tagata o le a faia ai a latou palota i Niu Sa Uelese mo le palota a le Council poo pulega faalotoifale ma mo nisi e mafai ona palota ta’i faalua, faatolu pe sili atu ae e faatulafonoina uma ia tulaga ona o se vaega o loo faataga ai i lalo o le tulafono o faigapalota a le setete.
Fai mai ai se tasi o polofesa lagolago o le Iunivesite o Ausetalia, o se faiga ua leva ona tatau ona faamuta.
Ua faailoa i le 9News tulafono a NSW e faataga ai tagata e lesitala e palota i faigapalota eseese a pulega ia faalotoifale ma e palota e lē o ni tagata nofomau ae o ratepayers, o lona uiga mo se faata’ita’iga o se tagata e nofo i Sini ae umia se fale i se isi faaitu, o le a mafai e le tagata lea ona palota faalua, palota i councils uma e lua, o lona uiga afai o se tagata e iai ni ona fale i vaega eseese o NSW, e mafai lava la ona palota lea tagata i faaitu uma o loo iai ona fale.
E manatu le to’atele ua faailoa finagalo i upega tafailagi faatatau i ea faiga, e lē talafeagai ma e tatau lava ona tasi le palota e faia a le tagata one vote one value.
Puna o Faamatalaga: https://www.9news.com.au/national/nsw-local-government-elections-2024-everything-to-know-explainer/31a7a6cc-c454-4c87-bd78-151360e7d3a0
