Ua sauni le Western Force mo lana uluai taaloga o le taamilosaga Super Rugby Pacific i le tausaga nei 2024 i lalo o le pulega fou a le alii pilionea mai Perth o Andrew Forrest.
E pei ona silafia e tele luitau sa feagai ma le Western Force i tausaga ua tuanai peitai ua vaaia le toe tulai mai i se tulaga lelei.
O isi kalapu ua lipotia foi i le ABC o loo feagai pea ma luitau e aofia ai le Melbourne Rebels ae lē gata i lea o le ACT Brumbies ma le NSW Waratahs o loo feagai ma luitau tau tupe.
E ui i ia luitau ae ua faailoa i le lipoti o loo tele lava le taleni i le taaloga ma ua fai foi ma luitau mo le Western Force ma e lē taumate o kalapu uma ia tausinio i lenei tausaga mo nisi foi alii taaalo i le ‘au a le atunuu le Wallbies ae na faafailele mai i le Force ma isi foi ‘au a Ausetalia i le Super Rugby Pacific.
