E ono tumau le tau o meaai e ui o loo alu pea i luga tupe alu i tau o fale, o pili faapea ai inisiua.
O le vaai mamao lea a tagata suesue i le mae’a faailoa mai o faamaumauga a le vaega o faamaumauga o loo sau ai ua pa’ū le inflation i le 3.3%, poo le malosiaga lea o le tupe pe a faatusa i tau o oloa ma auaunaga.
O lea foi ua molimauina le tele o oloa faatau e supamaketi o loo faatumau o latou tau ma o se tala fiafia lea i paketi a aiga e ui e lē o mea totogi uma o loo sau i lalo.
I totonu o le 12 masina e faai’uina ia Iuni o le tausaga nei ua faamauina le sii o le tau o fale mautotogi poo rent i le 4.8%, alu i luga rates a puleganuu i le 9.6% faapea inisiua ua sii i le 14%.
O faamaumauga o le isi kuata tausaga ma o le kuata lona tolu foi lea e sau i tua i le aso 16 o Oketopa.
O le pa’ū i le inflation e 3.3% o le maualalo faamauina lea ua iai i totonu o le tolu tausaga ma e maualalo mai le 3.6% a le faletupe tutotonu lea na ia valoia.
Puna o Faamatalaga: Cost of living: Inflation fall means cheaper food, but insurance, rates, rents rise – NZ Herald
