Ua toe sauni atu nei le Samoa i Manurewa Tutu Faatasi mo le faia o le isi tuitui puipui o le koviti i le aso
O le masina talu ai na pulupulu lima faatasi ai le Samoa Tutu Faatasi ma le komiuniti Samoa I Manurewa e faatulaga le nofoaga tu totonu mo le faia o tui, ma o lea ua toe faia i le aso ae ua suia I le afiafi
O le a faataunuuina i Randwick Park i le Manu Tukutuku Community Centre I Manurewa, ma e amata faiga o tui puipui mai le itula e 3 seia oo i le 8 i le afiafi ananei
O se avanoa o le a faafaigofie ai mo tagata faigaluega, ma o le a maua fua foi le taumafataga o le afiafi mo i latou uma e fai o latou tui faapea le voucher e fai ai le faatau
Mo i latou e moomia se taavale, o loo mafai ona piki ma toe momoli i le fale
O le aso ua mafai ona faatautaia I le tutu faatasi o faafeagaiga o Ekalesia Samoa Soo Faatasi i Manurewa, Pasefika Family Health, Cause Collective ma le Samoa i Manurewa Tutu Faatasi
