O le asō ua tuua ai Niu Sila e le Palemia, Christopher Luxon, mo le fonotaga a ta’ita’i o le Pasefika.
O le fonotaga lenei a le Pacific Islands Forum Leaders o loo usuia i Tonga.
O lea o loo iai nei i Tonga le Sui Palemia, Winston Peters ma o le asō foi e toe taliu mai ai.
O se taimi pisi mo Luxon, lea e foi mai Tonga sauni mo Meleisia ma Korea i Saute i le vaiaso fou ma o ana faigamalaga nei i le vaiaso a sau e malaga i vaalele o loo faimalaga ai tagata lautele, ae lē o le vaa a le ami.
O le tamaoaiga ma itu tau puipuiga lea o loo silasila mamao le Palemia e saga faamausalī a o iai i Meleisia i le vaiaso fou, ma o lana ulua’i malaga aloa’ia foi lea i Meleisia.
O le lua vaiaso talu ai lea foi faato’ā toe taliu mai ai Luxon mai Ausetalia.
Puna o Faamatalaga: Prime Minister Christopher Luxon to head to Malaysia, South Korea (1news.co.nz)
