Faamatala e le tamaitai o Lisa Adams le ese foi o faalogona I le taimi ao tulai ai I le podium ma ula lana pine auro ao taina le vii o le malo o Niu Sila I taaloga Paralympics o loo faagasolo nei I Tokyo I Iapani, O le shot put lea sa tausinio ai Adams, 30 tausaga mai Niu Sila ma lana matatia fou ua faatuina e 15.12mita le mamao.
I se faatalanoaga ma le RNZ Pacific sa faailoa ai e Adams ose taimi aupito fiafia lea mo ia aemaise o le tolu tausaga talu ai sa galue malosi ai mo lenei faamoemoe.
O Lisa o loo faiaoga ai lona uso le tamaitai tautaua a Niu Sila o Dame Valerie Adams.
O le uluai pine a niusila I ia taaloga na maua e le tagata aau o Tupou Neiufi ma o loo faaauau pea taaloga I le vaiaso nei.
