E leai lava se isi auala e mafai ai e ‘au e lua a le Pasefika i le Super Rugby, le Fijian Drua ma le Moana Pasefika ona maua avanoa i ‘au e ono pito i luga o le taamilosaga se’i vaganā ua manumālō ia la taaloga.
O taaloga i le asō a ‘au ia e lua e tatau ona manumālō ai ina ia tau lalata ai le faamalieina o tulaga e pei ona mana’omia ona iai.
O le Fijian Drua o le a fetaui ma le Waratahs ae o le Moana o le a talimalo i le Highlanders i le malae i North Harbour.
Ua faailoa e le faia’oga o le Drua, Glen Jackson e 10 suiga ua faia i lana ‘au ma e mautinoa e malosi le finau ane a le Waratahs.
O le a faia lea taaloga i le Allianz Stadium i Sini i le po ananei.
Fai mai le faia’oga o le Moana, Faalogo Tana Umaga e iai alii taaalo o le ‘au o le a faato’ā taaalo mo le ulua’i taimi i le taaloga lea ma le Highlanders ma o le a ta’ita’ia foi e le latou kapeteni o Ardie Savea.
O lea taaloga e faia i North Harbour i le fitu i le afiafi nei.
Puna o Faamatalaga: https://www.rnz.co.nz/international/pacific-news/543175/super-rugby-pacific-drua-coach-rings-in-the-changes-while-moana-names-debutants
