Ua fai si umi ae o lea faato’ā molia se tagata i le faalavelave tau taavale na maliliu ai tagata e to’alua i le itu i Saute i Sisifo o Sini i le amataga o le tausaga nei i le masina o Me.

O le taavale o le ituaiga o le Toyota Sedan ma se isi taavale o le Toyota Ute na feto’ai i Milperra ma maliliu ai tagata e to’alua o se alii e 42 tausaga ma se teineititi e 12 tausaga le matua.

O le isi pasese e 10 tausaga o le tamaitiiti na ave atu i le falema’i mo togafitiga ma o loo manuia.

O le avetaavale o le sedan, o se alii e 52 tausaga sa togafitia foi i le falema’i i se tulaga tigaina ma ua toe manuia.

O le avetaavale o le ute o se alii talavou e 19 tausaga le matua sa ave foi i le falemai.

Poo le ta o le 6 i le afiafi ananafi na aga’i ane ai se alii e 52 tausaga i le ofisa o leoleo i Bankstown ma ua molia ai i moliaga tau avetaavale e aofia ai ma le avetaavale faatamala ua mafua ai le maliu.

Na toe tatala i tua ma ua faatulaga o le aso 6 o Novema e valaau ai i le faamasinoga.

Puna o Faamatalaga: https://www.9news.com.au/national/man-charged-double-fatal-crash-milperra-sydney-earlier-this-year/9697bc58-b123-4ca8-b784-a2fc042e5923