O le asō e tulai ai i le faamasinoga i Sini se alii e faatatau i le afi na sasao ane i se fale i le itu i Sisifo o Sini.
Poo le toe 5 i le 7 i le taeao ananafi ae valaau ane loa leoleo i se tuatusi i Orth Street i Kingswood, e taunuu atu ua sasao atoa le afi i le fale ma faavave ai ona tapē e le fuimu.
O faamatalaga mai le 9News ua ta’ua ai o se tamā e 71 tausaga na togafitia ai i lea nofoaga ma ave atu ai i le falema’i i se tulaga tigaina.
I le mae’a la o suesuega ananafi na pu’eina ai loa se isi alii e 63 tausaga le matua i se nofoaga e lalata ane ma ave ai foi i le falema’i mo togafitiga.
Ua molia nei o ia e leoleo e lē na o le tasi se moliaga, ma e lei mafai ona tatala i tua ma e tulai i le asō i le faamasinoga.
Puna o Faamatalaga: https://www.9news.com.au/national/man-charged-house-fire-kingswood-sydney-west/144c17f4-954f-4201-beec-346fbad2e177
